ایس سی او 2021 میں پاکستانی مصنوعات نے لوگوں کی بھرپور توجہ حاصل کر لی۔

چین کے چنگ ڈاؤ میں منعقدہ شنگھائی تعاون تنظیم (ایس سی او) 2021بین الاقوامی سرمایہ کاری اور تجارتی ایکسپو میں نمائش کے لئے پیش کی گئی پاکستانی دستکاری کی مصنوعات نے خریداروں کی توجہ حاصل کی۔ پاکستانی تاجروں نے دستکاری کے علاوہ سلیمانی پتھر ، فرنیچر ، فر کوٹ ، پیتل کا سامان وغیرہ نمائش کے لئے پیش کیے۔ اس موقع پر پاک لنک کے منیجنگ ڈائریکٹر محمد کامل نے کہا کہ پاکستان میں اچھے معیار کے آرٹیکلز بنانے میں بہترین مہارت رکھنے والے پیشہ ور تجربہ کار مزدور موجود ہیں یہی وجہ ہے کہ چین میں مصنوعات بھرپور طور پر فروخت ہورہی ہیں۔ دوسرے تاجروں نے بھی ڈیزائن اور روایات میں مماثلت کی نشاندہی کی ہے جس کے سبب چین پاکستان کی تیار کردہ دستکاری ، فرنیچر ، پیتل کے سامان مصالحوں کی مصنوعات کے لئےایک عمدہ منڈی ہے۔