توقع کی جا رہی ہے کہ پاکستان اور چین سی پیک کے تحت صنعتی تعاون سے متعلق دوطرفہ فریم ورک معاہدے پر دستخط کریں گے۔ باخبر ذرائع نے انکشاف کیا ہے کہ ایک چینی وفد پاکستان کے حکام کے ساتھ ملک کے سب سے بڑے صنعتی کمپلیکس حوالے سے گورنمنٹ ٹو گورنمنٹ(جی ٹو جی) معاہدہ طے کرنے کا خواہاں ہے۔ اس سے قبل پاک چین انویسٹمنٹ بینک نے 2015ء میں اعلان کیا تھا کہ ابتدائی طور پر 289 ملین ڈالر کی سرمایہ کاری ، بلاتعطل بجلی کی فراہمی، نئی انتظامیہ، پاکستان اسٹیل ملز کی مثالی جگہ ، مارکیٹ اور سہولیات کے پیش نظر منافع بخش انٹرپرائز بننے کا امکان ہے۔ اس میں پہلے مرحلے میں 288.77 ملین ڈالر دوسرے میں4۔300ملین اور تیسرے مرحلے میں 296.62 ملین ڈالر کی سرمایہ کاری کے ساتھ ترقیاتی اور توسیع کے منصوبے کی تجویز پیش کی گئی ہے۔
